STÝR3HV04D - Hönnun, virkni og iðntölvur

Lýsing

Einingar: 4

Þrep: 3

Undanfari: STÝR2SK04B / STÝT2CR04

Áhersla er lögð á kraft- og stýrirásir í lágspennu og flóknari rofabúnað. Nemandi lærir um mótorstýringar og tíðnibreyta. Einnig er áhersla lögð á tengingu flóknari rása eftir teikningum sem og bilanagreiningu á þeim. Að lokum fer nemandi að hanna eigin kraft- og stýrirás.

Þekkingarviðmið

Nemandi skal hafa öðlast þekkingu og skilning á:

• mikilvægi faglegra vinnubragða og öryggis s.s. varnarbúnað og persónuöryggi.
• mikilvægi umhverfismála með vali, flokkun og nýtingu á efni.
• segulrofum, stýriliðum, segullokum og flóknari rofabúnaði.
• stafrænum skynjurum s.s. nándar-, hita- og þrýsti skynjurum.
• teiknitáknum.
• neyðarstoppsliðum.
• kraft- og stýrirásum í lágspennu.
• mótorstýringum með mjúkræsi og tíðnibreyti .
• flóknari teikningum stýrirása.
• flóknari mælingum.
• hönnun segulliðastýringa.
• mismunandi spennu í stýrirás.
• mikilvægi þess að réttur búnaður sér valinn í hönnun.

Leikniviðmið

Nemandi skal hafa öðlast leikni í að:

• lesa flóknari teikningar.
• velja réttan búnað í samræmi við teikningar, orkuþörf og umhverfisaðstæður.
• framkvæma flóknari mælingar.
• hanna kraft- og stýrirásir með númerkerfi eftir virknilýsingu.
• skilja virkni og samspil mismunandi rafkerfa.

Hæfniviðmið

Nemandi skal geta hagný þá almennu þekkingu og leikni sem hann hefur aflað sér til að:

• framkvæma áhættumat og lágmarka þær hættur sem geta skapast við vinnu.
• nota mismunandi aðferðir l ræsinga á orkufrekum rafbúnaði.
• þekkja þann búnað sem notaður er við gerð stýrirása.
• velja réttan búnað miðað við orkuþörf og umhverfisaðstæður.
• tengja flóknari stýrirásir eftir teikningum.
• greina flóknari bilanir í stýrirásum.
• hanna kraft- og stýrirás eftir virknilýsingu.
• greina og velja réttan búnað í hönnun á segulliðastýringu.

Námsmat: Lögð er áhersla á fjölbreytt námsmat með leiðsögn og að reglum sem kveðið er á um í skólanámskrá sé fylgt.