Náttúruvísindalína

Náttúruvísindalína er öflugt stúdentsnám fyrir nemendur sem vilja byggja sterkan grunn í stærðfræði, náttúruvísindum og raunvísindum og undirbúa sig vel fyrir frekara nám. Á línunni er lögð áhersla á greinandi hugsun, sjálfstæð vinnubrögð, nákvæmni og hæfni til að afla upplýsinga, vinna úr þeim og beita vísindalegum aðferðum við úrlausn viðfangsefna. Námið sameinar traustan bóklegan kjarna við sérhæfðari áfanga á borð við líffræði, efnafræði, eðlisfræði, jarðfræði, landfræði og stærðfræði. Í anda aðalnámskrár styrkir línan jafnframt ábyrgð, gagnrýna hugsun og hæfni til að taka þátt í upplýstri umræðu um samspil vísinda, tækni og samfélags. Línan undirbýr nemendur sérstaklega vel fyrir nám á háskólastigi, meðal annars á sviði náttúruvísinda, tæknigreina og heilbrigðisvísinda. 

Að loknu námi skal nemandi hafa hæfni til að:

• gera sér grein fyrir samfélagslegri ábyrgð sinni
• taka þátt í lýðræðislegri samræðu og samstarfi
• efla eigin sjálfsmynd og nýta styrkleika sína
• beita skapandi hugsun við lausnamiðað nám
• nálgast verkefni á faglegan og sjálfstæðan hátt
• leita fullnægjandi raka fyrir skoðunum sínum og annarra
• nýta sér góða almenna þekkingu á sviði stærðfræði, náttúru- og raunvísinda
• beita vísindalegri hugsun og aðferðum við greiningu viðfangsefna, öflun upplýsinga, mælingar, mat, úrvinnslu og túlkun
• geta fjallað um og tekið þátt í upplýstri umræðu um ýmis mál er tengjast samspili vísinda, tækni og samfélags
• geta nýtt sér kunnáttu sína í náttúru- og raunvísindum í mögulegri framtíðarþróun
• takast á við frekara nám, einkum í stærðfræði, náttúru- og raunvísindum, tæknigreinum og heilbrigðisvísindum.

Brautarlýsing:

Bundið pakkaval - þriðja tungumál:

Náttúruvísindasvið 45 einingar

Frjálst val
Nemendur velja 28 einingar úr öðru námsframboði skólans til þess að styrkja stúdentspróf sitt með framhaldsnám í huga.

Nánar um áfanga á námsbrautinni.

Hægt er að sækja um nám á náttúruvísindalínu á auglýstum innritunartíma með því að smella hér.