Dreifnám

Dreifnám í FÍV

Framhaldsskólinn í Vestmannaeyjum býður upp á dreifnám í húsasmíði, grunnnámi rafiðna og á sjúkraliðabraut.

Skipulag

• Námið er skipulagt sem fjarnám með staðbundnum lotum.

• Á hverri önn eru haldnar 3–4 staðlotur í skólanum, þar sem verkleg kennsla fer fram.

• Bóklegt nám og verkefnavinna fara að mestu fram í gegnum tölvu og kennslukerfi skólans.

• Námið er verkefnadrifið og námshraði einstaklingsbundinn, sem gerir það vel heppilegt til að stunda samhliða vinnu.

Forsendur og markmið

• Dreifnám miðast við að nemendur hafi starfsreynslu á viðeigandi sviði. Við námslok skal nemandi hafa að lágmarki þriggja ára starfsreynslu.

• Verkefni í náminu eru hönnuð til að tengjast sem mest raunverulegu starfsumhverfi nemenda og samtímanum.

• Námið gerir nemendum kleift að uppfylla fjölbreytt markmið námsins og stuðlar jafnframt að aukinni hæfni í upplýsingatækni.

Námsmat

• Námsmat í dreifnámi byggist fyrst og fremst á símat á virkni og verkefnavinnu nemenda.

• Markvisst er fylgst með framvindu náms og nemendur fá reglulega endurgjöf á verkefni sín.