Grunnnám rafiðna

Grunnnám rafiðna Nám í rafiðnaði hefst alltaf á undirbúningsbraut sem er grunnnám í rafiðngreinum og tekur fjórar annir. Eftir það velur þú sérnám. Grunnnám rafiðna býr nemendur undir fagnám í rafiðngreinum, t.d. rafvirkjun, rafeindavirkjun, rafvélavirkjun og rafveituvirkjun. Nám á grunndeild rafiðna er 120 eininga og skilar nemendum hæfni á 2. þrepi. Námstími er að jafnaði 2 ár.  Námið er að þriðjungi almennar greinar og restin faggreinar.

Nánari upplýsingar á námskrá.is

 

Grunnnám rafiðna - dreifnám 

Haustið 2023 var í fyrsta skiptið í skólanum boðið upp á grunndeild rafiðna í dreifinámi (lotubundnu). Framboð af slíku grunnnámi í rafiðnum hefur verið mjög takmarkað á Íslandi og var því um einstakt og spennandi tækifæri að ræða fyrir alla þá sem höfðu áhuga á að mennta sig á sviði rafiðnar en höfðu ekki tækifæri til að stunda hefðbundið nám í dagskóla. Nítján nemendur hófu nám og er það von okkar að geta boðið öðrum hópi nemenda upp á slíkt fyrirkomulag þegar þessi hópur hefur brautskrást. 

Hér má finna meiri upplýsingar um námið og þá möguleika sem það býður upp á