Grunnnám rafiðna

Lýsing:  Nám í rafiðnaði hefst alltaf á undirbúningsbraut sem er grunnnám í rafiðngreinum og tekur fjórar annir. Eftir það velur þú sérnám. Grunnnám rafiðna býr nemendur undir fagnám í rafiðngreinum, t.d. rafvirkjun, rafeindavirkjun, rafvélavirkjun og rafveituvirkjun. Nám á grunndeild rafiðna er 120 eininga og skilar nemendum hæfni á 2. þrepi. Námstími er að jafnaði 2 og 1/2 ár.  Námið er að þriðjungi almennar greinar og restin faggreinar.

Inntökuskilyrði: Grunnskólapróf með lágmarkseinkunn B í stærðfræði, íslensku og ensku.

Skipulag: Grunnnámi rafiðna er 120 eininga nám. Námið skiptist í almennar bóklegar greinar, fagbóklegar greinar og verklegar greinar. Bóklegar greinar eru enska, stærðfræði, íslenska, lífsleikni, menningarlæsi, skyndihjálp og íþróttir.Fagbóklegar greinar eru rafmagnsfræði og rafeindatækni. Verklegar greinar eru stýritækni, tölvu- og nettækni, raflagnatækni og handverk rafiðna. Námið skiptist á fjórar annir og er miðað við að nemendur taki 30 einingar á önn. Í heildina er námið 120 einingar og þar af eru 37 einingar á 1. þrepi, 66 einingar á 2. þrepi og 5 einingar á 3. þrepi. Við það bætast valgreinar á fyrsta og öðru þrepi upp á 12 einingar. Þar geta nemendur valið um að tileinka sér frekara bóknám eða handverk í málmsmíði.

Námsmat: Námsmat fer fram með lokaprófum og símati en lögð er áhersla á fjölbreyttar aðferðir við námsmat. Það er stefna skólans að auka vægi leiðsagnarmats og símats þar sem því verður við komið.

Starfsnám: Nemandi í grunnnámi rafiðna má hefja starfsþjálfun í þeirri fagrein sem hann hefur kosið sér strax eftir 2. önn. Nemendur sem hyggja á nám i rafeindavirkjun þurfa að skila 24 vikum í starfsþjálfun. Það sama á við um nemendur á verknámsbraut rafvirkjunar. Nemendur sem fara samningsbraut í rafvirkjun, rafveituvirkjun eða rafvélavirkjun þurfa að semja um 48 vikna námssamning við meistara.

Námsfyrirkomulag: Námið er kennt í dagskóla og dreifnámi með staðlotum. 

Hæfniviðmið: Að loknu námi skal nemandi hafa hæfni til að ...

• takast á við frekara nám í tæknigreinum.
• nýta sér margvíslega tækni í þekkingarleit og afla gagna, flokka og nýta sér upplýsingar á gagnrýninn hátt.
• tjá sig í ræðu og riti og miðla upplýsingum á skapandi hátt.
• vinna að margvíslegum verkefnum með ólíkum miðlum ..
• taka ábyrga afstöðu til eigin velferðar og heilbrigðis.
• vera virkur og ábyrgur þátttakandi í lýðræðissamfélagi.
• vera meðvitaður og gagnrýninn á áhrif fyrirmynda og staðalmynda á eigin ímynd og lífsstíl.
• sýna frumkvæði og skapandi hugsun og geta miðlað hæfni sinni á skapandi hátt.
• njóta lista, menningar og skapandi starfs á margvíslegu formi.
• meta gildi upplýsinga um umhverfi og náttúru og taka afstöðu til skynsamlegrar nýtingar þeirra.
• vera virkur og ábyrgur borgari í umhverfi sínu og náttúru.

 Bundið áfangaval: 

Nemendur velja 12 einingar af eftirtölum áföngum

Grunnnám rafiðna - dreifnám 

Haustið 2023 var í fyrsta skiptið í skólanum boðið upp á grunndeild rafiðna í dreifinámi (lotubundið nám). Framboð af slíku grunnnámi í rafiðnum hefur verið mjög takmarkað á Íslandi og var því um einstakt og spennandi tækifæri að ræða fyrir alla þá sem höfðu áhuga á að mennta sig á sviði rafiðnar en höfðu ekki tækifæri til að stunda hefðbundið nám í dagskóla. Nítján nemendur hófu nám og er það von okkar að geta boðið öðrum hópi nemenda upp á slíkt fyrirkomulag þegar þessi hópur hefur brautskrást. 

Hér má finna frekari upplýsingar um námið og þá möguleika sem það býður upp á