Félagsvísindalína

Félagsvísindalína er fjölbreytt stúdentsnám fyrir nemendur sem vilja byggja sterkan grunn í samfélagsgreinum og undirbúa sig vel fyrir frekara nám, einkum á sviði félags- og hugvísinda. Á línunni er lögð áhersla á gagnrýna hugsun, sjálfstæð vinnubrögð, upplýsingaöflun, úrvinnslu og rökstudda umræðu um samfélag, menningu og mannlegt atferli. Námið sameinar traustan bóklegan kjarna við sérhæfðari áfanga á borð við félagsfræði, stjórnmálafræði, sálfræði, uppeldisfræði, heimspeki, kynjafræði, fjölmiðlafræði og sögu. Í anda aðalnámskrár styrkir línan jafnframt lýðræðisvitund, samfélagslega ábyrgð og hæfni til að takast á við nám á háskólastigi.

Að loknu námi skal nemandi hafa hæfni til að:

• gera sér grein fyrir samfélagslegri ábyrgð sinni
• taka þátt í lýðræðislegri samræðu og samstarfi
• efla eigin sjálfsmynd og nýta styrkleika sína
• beita skapandi hugsun við lausnamiðað nám
• nálgast verkefni á faglegan og sjálfstæðan hátt
• leita fullnægjandi raka fyrir skoðunum sínum og annarra
• afla sér upplýsinga, meta þær, vinna úr þeim og túlka þær
• beita fræðilegri hugsun og aðferðum við greiningu viðfangsefna
• lesa úr rannsóknarniðurstöðum og greina þær
• nýta sér góða almenna þekkingu á sviði samfélagsgreina
• greina einkenni og þróun samfélaga og gera sér grein fyrir mótunaröflum einstaklinga og hópa
• átta sig á meginstraumum menningar, trúar, uppeldis, stjórnmála og hagþróunar í fortíð og nútíð
• rökræða samfélagsleg efni
• takast á við nám á háskólastigi

Brautarlýsing:

Bundið pakkaval - þriðja tungumál:

Félagsvísindasvið 40 einingar

Frjálst val
Nemendur velja 33 einingar úr öðru námsframboði skólans til þess að styrkja stúdentspróf sitt með framhaldsnám í huga.  

Nánar um áfanga á námsbrautinni.

Hægt er að sækja um nám á félagsvísindalínu á auglýstum innritunartíma með því að smella hér.