Leiðbeiningar um val í INNU

Leiðbeiningar um val í INNU

Með vali staðfestir þú umsókn þína um skólavist á næstu önn. Ef þú gengur ekki frá vali er litið svo á að þú ætlir ekki að þiggja skólavist á næstu önn og þú færð hvorki greiðsluseðil né stundatöflu.

Hvað á að velja?

Til að komast í Innu þarftu rafræn skilríki. Þegar í Innu er komið, ferðu inn á „Námið“ efst til hægri og velur þar „Námsferill – braut“. Þá sérðu brautarkröfuna og hvaða áföngum þú hefur lokið.

Hluti bóknámsbrauta er frjálst val. Á heimasíðu skólans er listi yfir alla áfanga í boði á næstu önn og innihald þeirra.

Ef þú ert á bóknámsbraut þarftu að hafa í huga að af heildarfjölda eininga, sem er 200, mega einingar á 1. þrepi ekki fara upp fyrir 66 og einingar á 3. þrepi ekki vera færri 40.

Í aðalval skaltu velja að hámarki 7 áfanga auk íþrótta. Í varaval skaltu velja 1-2 áfanga.


Hvernig á að velja?

  • Smelltu á VAL (í efsta dálki lengst til hægri) á forsíðunni þinni á Innu
  • Veldu önn
  • Veldu áfanga úr lista með því að smella á hann.
  • Skipt er á milli aðalvals og varavals með því að draga á milli kassa.
  • Til að fá nánari upplýsingar um valinn áfanga, er bendli rennt yfir hann.
  • Til að eyða áfanga er smellt á x

 

Þegar allir áfangar hafa verið valdir, skaltu smella á „Vista val“.

Þurfir þú frekari aðstoð með valið hefur þú samband við Ingibjörgu ráðgjafa með því að senda henni tölvupóst (ingibjorg@fiv.is).

 

Gangi þér vel!