45 nemendur brautskráðir frá FÍV

Brautskráning nemenda frá Framhaldsskólanum í Vestmannaeyjum fór fram við hátíðlega athöfn á sal skólans föstudaginn 29. maí síðastliðinn. Að þessu sinni voru 45 nemendur brautskráðir af fjölbreyttum námsleiðum skólans og var dagurinn bæði hátíðlegur og gleðilegur fyrir nemendur, fjölskyldur þeirra og starfsfólk skólans.

Athöfnin hófst með því að gestir voru boðnir velkomnir og farið var yfir helstu atriði annarinnar. Að því loknu voru nemendur útskrifaðir. 

Við athöfnina voru veittar fjölmargar viðurkenningar fyrir góðan námsárangur, félagsstörf og þátttöku í Íþróttaakademíu ÍBV og FÍV.

Íþróttaakademía ÍBV og FÍV veitti þeim nemendum sem lokið höfðu fjórum önnum eða fleiri í akademíunni sérstaka viðurkenningu. Viðurkenninguna hlutu Alexander Örn Friðriksson, Ásdís Halla Hjarðar, Birna Dís Sigurðardóttir, Birna María Unnarsdóttir, Elís Þór Aðalsteinsson, Erna Sólveig Davíðsdóttir, Ólafur Már Haraldsson og Viggó Valgeirsson.

Sjúkraliðafélag Vestmannaeyja veitti nýútskrifuðum sjúkraliðum viðurkenningu. Hana hlutu Inga Lára Pétursdóttir og María S. Sigurbjörnsdóttir.

Drífandi stéttarfélag veitti viðurkenningu til nemenda sem starfað höfðu í stjórn nemendafélags skólans í eitt skólaár eða meira. Viðurkenninguna hlutu Alexandra Ósk Viktorsdóttir, Elís Þór Aðalsteinsson, Erna Sólveig Davíðsdóttir, Eva Magnúsdóttir, Guðjón Emil Ómarsson, Hrafnhildur Hallgrímsdóttir og Selma Rós Buelow Rafnsdóttir.

Danska sendiráðið veitti viðurkenningu fyrir góðan árangur í dönsku og hana hlaut Alexandra Ósk Viktorsdóttir.

Skólinn veitti viðurkenningu fyrir frábæran árangur í spænsku og hana hlaut Hrafnhildur Hallgrímsdóttir.

Sögufélagið veitti viðurkenningu fyrir mjög góðan árangur í íslensku og hana hlaut Alexandra Ósk Viktorsdóttir. Sögufélagið veitti einnig viðurkenningu fyrir góðan árangur í sögu og hana hlaut Rebekka Rut Rúnarsdóttir.

Menntaverðlaun Háskóla Íslands eru veitt framhaldsskólanemum sem sýnt hafa framúrskarandi árangur á stúdentsprófi. Verðlaunin hlaut Hrafnhildur Hallgrímsdóttir.

Raungreinaverðlaun Háskólans í Reykjavík eru veitt fyrir framúrskarandi árangur í raungreinum á stúdentsprófi. Verðlaunin hlaut Hrafnhildur Hallgrímsdóttir.

Skólinn veitti einnig viðurkenningu fyrir mjög góðan heildarárangur í námi. Hrafnhildur Hallgrímsdóttir hlaut viðurkenningu fyrir hæstu meðaleinkunn. Alexandra Ósk Viktorsdóttir og Erna Sólveig Davíðsdóttir hlutu einnig viðurkenningu fyrir mjög góðan heildarárangur á stúdentsprófi.

Skólameistari flutti ávarp til útskriftarnema og gesta áður en skólaslit fóru fram.

Framhaldsskólinn í Vestmannaeyjum óskar öllum brautskráðum nemendum og fjölskyldum þeirra hjartanlega til hamingju með áfangann. Við þökkum þeim fyrir samveruna og óskum þeim velfarnaðar í framtíðinni.

Brautskráðir nemendur vorið 2026