Forinnritun nemenda í 10. bekk

Forinnritun nemenda sem ljúka munu 10. bekk vor 2021 (fæddir 2005 eða síðar) hefst 8. mars og lýkur 13. apríl nk. Nemendur fá sent bréf með leiðbeiningum um hvernig sækja á um frá Menntamálastofnun, en í bréfinu er líka að finna veflykil sem þeir nota til að komast inn í umsókn á netinu. Foreldrar fá einnig sent kynningarbréf um umsóknarferlið.  Sjá nánar á vef Menntamálastofnunar. 

Innritun fer fram í tvennu lagi. Forinnritun fer fram dagana 8. mars – 13. apríl og velja nemendur þá einn skóla og annan til vara. Lokainnritun verður síðan frá 6. maí – 10. júní en þá liggja fyrir skólaeinkunnir nemenda. Nemendum gefst tækifæri til að endurskoða umsóknir sínar til miðnættis miðvikudaginn 10. júní.

Svör við umsóknum verða send rafrænt á nemendur og forráðamenn þeirra á þau netföng sem gefin eru upp í umsókninni. Einnig sjá nemendur á menntagátt hvaða skóli samþykkti umsókn þeirra. Menntamálastofnun áskilur sér rétt til úrvinnslu gagna allt fram til 22. júní.