Fréttir

Dagana 9.–15. nóvember sl. fóru tveir kennarar og fjórir nemendur frá FÍV í ferð til Pisa á Ítalíu. Þetta var síðasta ferðin í Erasmus-verkefninu og að þessu sinni var fókusinn settur á tengsl loftslagsbreytinga, vatns og þeirra áhrifa sem breytingarnar hafa á lífríki vatns og sjávar. Ferðin var bæði fræðandi og fjölbreytt, og að venju stóð hópurinn sig afburðavel.

Eins og margir vita þá eru nemendur FÍV að taka þátt í Erasmus-verkefninu WATER, sem leggur áherslu á að fræðast um loftslagsbreytingar og vatn í tengslum við þær. Dagana 8.–11. september sl. komu nemendur og kennarar frá Pisa á Ítalíu og Seville á Spáni í heimsókn til skólans. Í þessari heimsókn var fókusinn á vatnsfótspor.